林忠豪尋日出席傑出領袖大獎頒獎禮時，忽然自爆被指去骨場呢啲唔正經嘅地方，令佢好無奈，佢坦言係正經場地，定期就會去揼骨通淋巴，仲補充話：「嗰晚食完飯，啲客想去蒲，但我都唔去夜街，咪氹佢哋去啲健康啲嘅地方，諗住輕鬆吓，但畀人寫到好唔正經。」咁會唔會去啲唔正經嘅地方？佢話一定唔會。
原本愁爆嘅佢，跟住提到攞獎，又表現得好開心，仲話會繼續努力添！
會唔會同緋聞女友莊思敏食飯慶祝呀？佢就話：「唔講私人事，今日喺商業地方要講公司嘢。」
林忠豪話佢去開嘅係正經骨場，定期就會去揼骨通淋巴輕鬆吓。
