SUN世代：皮紋分析了解學生性格
為人師表定必有教無類，Ellen也是一樣。她認為傳統老師着重單向式教育，只將技術傳授學生，但她希望從學生方向入手。為了達至最好的教學成效，她深入了解學生所需，其後因材施教：「每人都有一個Commander，呢個Commander就係腦區，教育家陳念慈博士教我大腦分析法，等我知道天生我才必有用，要知人有咩天分，就要了解佢嘅模式，之後用啱嘅方法去教，而我會用皮紋分析了解學生性格。」
令鍾鎮濤小B女乖乖上堂
Ellen認為皮紋分析是揣摩人性格的說明書，只要一睇十隻手指的指紋，就能看出他們性格：「好似B哥哥鍾鎮濤個小B女咁，鍾意四圍走坐唔定，我用咗皮紋分析法知道佢個性格之後，第二堂就用一個特別嘅方法，唔畀佢掂琴，等佢心郁郁，之後佢就乖乖地上堂！」Ellen認為只要掌握小朋友的心理，容易與他們接觸，再配合合適的教學方法，就能提早啟發小朋友的才能。
