政壇：霍震寰電腦藏CY舊照
海南商會日前舉行活動，霍英東集團行政總裁、港區全國人大代表霍震寰都有出席，講開疑似特首選舉，佢話識咗梁振英（CY）二十幾年，唐唐就係喺佢做咗官之後先至較多機會接觸，佢仲打開平板電腦一張舊相，原來係八十年代訪京照片，裏面有後生版霍震寰同CY。
張相有成三十人，企喺前排中間嘅係已故前國務院港澳辦主任姬鵬飛，相中嘅霍震寰同CY分別企喺前排同第三排，當中依稀認得嘅另一位「年輕人」，竟然係上月底挺身出席CY造勢大會嘅建仔立法會議員「象哥」黃定光。相中仲有兩位美人，其一係企喺第二排右側嘅霍震寰太太陳琪琪，而企喺前排左六嗰位，原來係國務委員劉延東。
霍震寰（前排左七）同CY（後排左六）識咗二十幾年，有圖為證。