青年軍為利益同門變仇人

【本報記者】黑幫「新×安」以屯門為大本營，其主要財路為販賣「K仔」，新界北八成地盤為該黑幫所控制，近年更在公共屋邨招攬青少年做「爛頭卒」，並靠毒品利益「養兵」，被招攬的青少年中不少人突然富貴，駕靚車穿名牌。因為利益問題，同門亦變成仇人，加上警方近年在上水和元朗加強掃蕩毒品，屯門成為激烈爭奪的地盤，內訌引發的腥風血雨無日無之，今次命案勢令警方大舉剷除之。

據悉，涉案黑幫操控的「K仔」市場，利用地理位置之便，由內地偷運毒品入境，在夜場及公園向青少年散貨。被黑幫招攬入會的青少年，認為賣「K仔」是搵快錢的捷徑，於是在幫內爭出位，希望有朝一日上位後能殺出屋邨，進軍尖東搵食，近年涉及尖東「新×安」的黑幫「吹雞」事件，當中大部分生力軍都來自屯門。消息稱，該黑幫屯門區「話事人」跛榮，其門生一向各自擴張勢力及各自搵食，總之有數「上繳」，對各股勢力打打殺殺向來隻眼開隻眼閉，不過今次搞出人命，有人預料整個幫會都「冇運行」，部分頭目更離港避難。