十大傑青尋日齊集會展領獎，敍福樓集團執董Simon黃傑龍都係得獎人，多位食肆大老闆紛紛恭賀，身為敍福樓集團大股東之一嘅爸爸黃耀鏗率領太太、新抱同孫兒嚟打氣，夠晒大陣仗，而黃爸爸世交、國學大師饒宗頤送上驚喜，題字「仁者愛人」，言簡意賅，盡顯大師功力。
同場仲有中策集團主席馬時亨，肥亨本月二十六號嫁女，肥亨笑騎騎話，嫁女之後，反而仲多咗個仔喎！
黃傑龍（左）當選十大傑青，馬時亨（右）上前祝賀。
