香港茅台之友協會前晚喺會展開P，賀十歲生日，為求盡興，大會打破慣例，全晚無限量供應五十年茅台，勁開一百八十支。短短一晚，豪飲千萬港元美酒！
茅台之友協會秘書長Jimmy吳永嘉同晚宴搞手之一嘅Jaime施榮忻，吩咐廚師將茅台入饌，炮製瑤柱菜粒茅台炒飯、紅燒茅台乳鴿及茅台果凍，食得招積。咁落力，大會都頒番個「對茅台最有貢獻獎」，表揚兩人過去十年為茅台賣力。
貴州美女餵貴賓施子清（中）飲酒，認真體貼。
施榮忻（左）同吳永嘉（右）推廣茅台有功，獲大會頒獎表揚。
