保良局主席龐盧淑燕即將再抱孫，前晚出席保良局慈善盆菜宴時話已封定利是，又話：「今個月我個孫女出世，加埋就有四條Queen，贏晒！我冇買禮物，都係封利是，鍾意買乜就買乜。」咁改咗名未？佢話都係跟個熹字，仲諗緊。再問有乜湊孫心得時，佢話：「我冇湊孫，得閒睇吓，始終佢哋有佢哋方法湊小朋友，我畀好大自由度，尊重佢哋。」問到同新抱係咪相處融洽？佢笑言非常好，話大家相處之道係互相尊重。兩個新抱值一百分？佢就話：「兩個都好乖！」
龐盧淑燕再抱孫，真係講起都開心！
