政壇：孫公行商場恨食朱古力

雖然教育局局長孫明揚患上腎衰竭，幾乎晚晚要洗腎，有讀者喺尋日星期日行經鰂魚涌一個商場，撞見孫公一家享天倫之樂，佢睇嚟精神都唔錯。

時值晏晝兩點幾，商場人頭湧湧，好可能係啱啱食完午飯。孫公同太太並肩行百貨公司，先睇衫，再睇玩具，對樣樣都有興趣，唔通想買聖誕禮物？可惜逛完一輪，未有心水，惟有轉戰超市。此時，孫公女兒同男孫加入，四人主攻掃食物。本身有糖尿病嘅孫公望見貨架上有新到嘅朱古力餅，一度眼甘甘，但諗起甜嘢對健康無益，都係少食為妙。

「Money18免費即秒股票報價網站」現推出8升級功能，財經資訊，實時實發！

孫公（後）同太太望見朱古力餅，一度心郁郁。