City Parade：千金一刻
4,363枚SWATCH珍藏腕錶，身價值幾多？答案係五千一百萬零六港元，天價數字媲美豪宅。呢個紀錄，上周四由全球知名拍賣行PHILLIPS de PURY首個香港腕錶拍賣會上創下。邊位仁兄咁豪？之唔係內地神秘富豪！香港係世界名牌嘅集中地，有巴黎奢華品牌年前成功進軍香港，開設首間專門店，近日開枝散葉，喺海港城開設第二間精品店，紅星、名人紛到賀，感受法式優雅風情。
龐董晶怡暖入心
今個冬天特別凍，保良總理龐董晶怡（左）與四洲集團太子女戴凱欣（右）買定加厚保暖新裝。
鍾楚紅靚到落袋
幾時都咁靚嘅性感女星鍾楚紅演繹最新手袋及靚鞋。
Amanda S做甜姐兒
曾喺法國學廚嘅名模Amanda S，為新店開幕設計多款雅致甜品。
四美揀靚鞋去P
名模琦琦（左起）、藝人余安安、羅氏針織太子女羅可旋與名模陳沛嘉落足眼力，揀對靚鞋去聖誕Party。
鄭志剛有心得
新世界主席鄭裕彤長孫鄭志剛（左）、保良副主席梁寶珠千金林玉茵（中），以及安子介外孫楊鼎立（右）對收藏名錶，各有心得。
鄭詩韻好興奮
名媛鄭詩韻（左）促成當晚一單逾五千萬港元巨額拍賣，老公陳鴻業（右）戥佢興奮。
姚書軼襯名錶
名模姚書軼展示THE SWATCH BLUM COLLECTION收藏系列中極罕見嘅典藏。
莊家蕙鑑賞家
莊士集團太子女莊家蕙家族經營拍賣行，鑑賞靚錶，駕輕就熟。