政壇：黃嘉純細佬寫喇沙歷史
傳統名校喇沙書院尋日舉行八十周年紀念彌撒活動，好多喇沙仔都出席，如香港律師會前會長黃嘉純同細佬黃嘉為，黃嘉純仲自爆細個讀書嘅百厭事，細佬黃嘉為就係現任喇沙舊生會主席，尋日專登着咗為舊生設計嘅外套出席活動，仲擔任彌撒嘅「音樂總監」，彈結他兼彈琴。
黃嘉純笑細佬係「喇沙迷」，除有車牌「LS 1932」(英文為書院名，車牌號碼係創校年份)，仲花三、四年時間寫書介紹書院歷史添。港區人大代表兼公民教育委員會主席李宗德及公務員敍用委員會主席吳榮奎都有出席彌撒，喇沙書院校長賀敬修士（Br Steve Hogan）話，該校嚟緊仲會搞好多活動，喇沙仔密切留意喇。
黃嘉純嘅細佬黃嘉為係忠實「喇沙迷」，座駕車牌係「LS 1932」，以紀念書院名同創校年份，仲寫書介紹書院歷史添。
喇沙書院尋日舉行八十周年紀念彌撒活動。