光華新聞文化中心主辦嘅台灣月活動早前舉行壓軸表演，表演者係世界男聲合唱團排名第一嘅寶島天籟「拉縴人男聲合唱團」，結果吸引到「AO歌王」民政事務局常秘楊立門、震雄集團創辦人蔣震夫婦、前馬會行政總裁黃至剛等捧場。
光華主任張曼娟透露，上任之後就全情投入台灣月活動，令佢嘅生活好似只得呢件事咁，等到活動結束，佢都要收拾心情周圍睇吓香港嘅事與物，最期待下月揭幕嘅香港藝術節精彩節目。
張曼娟（左二）搞活動，港台商貿合作委員會主席李大壯（左一）同台灣方面嘅台港經濟文化合作策進會董事長林振國（右一）都力撐。
