SUN熱辣：低消費無污染 赴韓滑雪趨增
北海道受輻射污染的消息屢屢傳出，事實上，近年南韓憑較低廉的消費以及適合一般旅客使用的滑雪場，在吸引旅客上具一定優勢，倘若市民害怕北海道受核污染，而欲轉投其他地方滑雪，南韓大有機會成為首選。
滑雪教練Michael表示，南韓因降雪量不高，滑雪場多採用人造雪，雪質與真雪差不多，「可能雪嘅厚度唔及日本，黃昏時候雪會比較『冰』，但如果只係去玩一兩日，已經非常OK！」
Michael又表示，南韓消費一般比較便宜，而且日圓近期升值，韓圜相對比較「見使」，亦吸引了更多港人選擇到南韓滑雪，「好似我哋搞滑雪團，去南韓十日都唔使一萬蚊（港元），但係去日本七日已經要萬幾蚊（港元）。」
葉小姐（會計）
「本身嚟緊都想去日本，但驚輻射嘅影響唔係即時見到，依家去可能仲係有危險，所以最後都改咗去南韓。」
陳小姐（美容）
「事故發生後都擔心當地情況，依家都唔會去日本，怕食到受輻射嘅污染食物而影響 健康。」