內地相繼揭發有食肆用惡心嘅「地溝油」煮餸，好多人都驚咗返內地食嘢，有「深圳王」之稱嘅全國政協委員黃楚標經常要去深圳打理生意，點樣避免中招呢？佢話唔驚會食到「地溝油」，而且自己都分辨得出。
黃楚標話，佢食嘢好嘴刁，劣質油味道差，一聞就知，即係話，如果店家用呢種油入餸，一拎上來佢就分得出，又點會將呢種食物放入口呢？佢仲話，只有地痞食肆先至用平一大截嘅劣質食油，消費者要有保障，只須去啲高級餐廳就唔會有問題。