大學三三四明年落實，科大商學院備受學生歡迎，院長鄭國漢尋日介紹來年新安排時，話佢哋會以培養「良心企業家」為目標，仲話明年嘅新課程加強通識教育，亦着重培養學生嘅商業道德價值觀，而且「最低工資、競爭法，都涉及道德價值觀，學生可從中學習」。
鄭國漢尋日同商學院副院長吳麗萍一齊介紹來年安排，佢哋話大學明年推四年制，商學院將有約七百一十五個學額，另加三年制約七百個學額，學院早前透過校長推薦計劃及暑期活動紀錄，已為八百個文憑試考生面試。
吳麗萍（左）及鄭國漢（右）都期望該院學生日後可成為負責嘅商業領袖。
