鄭詩韻尋日出席由東華三院舉辦嘅「我圓我夢」殘疾人士展藝計劃時，自爆今次計劃係由佢一手促成，主要係做公關嘅工作，但只屬於義務性質。問佢會唔會考慮做埋東華總理，佢話：「唔會喇，承諾太大，又要落區。」身為事業型女性嘅佢自言忙於工作之餘，仲要照顧兩個囝囝，一來分身乏術，二來亦忙到抖唔到氣。
鄭詩韻義務幫東華三院嘅活動做公關。
