樂壇新進歌手梁佑嘉近期忽然紅起嚟，事關有傳佢爸爸就係區議會選舉深水埗美孚新邨「一屋七姓十三票」懷疑種票風波嘅男主角梁平。但據聞梁平喺事件曝光後已匆忙搬離美孚住所，連警方重案組探員都搵唔到佢。
梁平八十年代初喺廣州茂名來港，當初靠喺深水埗收購唐樓，再劏房出租賺得第一桶金。梁平同內地關係都幾密切，除係茂名市政協常委外，亦係香港茂名同鄉會董事之一。