政壇：蕭嘉怡防酒吧侵中半山
中環蘭桂坊同蘇豪區嘅酒吧成行成市，據聞好多酒吧見到有利可圖，想將酒吧生意踩入接近中半山嘅住宅區，即時觸及居民嘅神經。啱啱喺區議會選舉中西區東華選區勝出嘅80後蕭嘉怡就話，上任後首要工作係嚴防酒吧伸延至住宅區，又反建議將社區打造成文化藝術集中地。
被形容為「街坊契女」嘅嘉怡，因為擁有一副baby face，外表嬌滴滴，亦有人以「童顏」、「翻版沈佳宜」嚟形容佢，相當搞笑，但笑聲背後仍要面對地區實務工作，除嚴防酒吧進入社區外，仲煩緊喺邊度開設議員辦事處。佢本來預算將兩萬蚊議員實報實銷津貼，平分作租金開支同議員助理薪金，點知一睇堅道一個四百呎地庫舖位，居然要月租六萬蚊，即時打退堂鼓。佢已作出最壞打算，就係搞流動辦事處。
蕭嘉怡上任區議員後嘅首要工作，係嚴防酒吧伸延至住宅區。