政壇：A16聯盟揼本晒團結
參選選委會會計界嘅「A16聯盟」，十六名成員有十人嚟自四大會計師行，聲勢浩大之餘，相信選舉工程亦好有規模，集體印製、專為選舉用嘅卡片每人有一千張。卡片上各人嘅聯絡電話頭四個號碼都一樣，內頁仲有佢哋十六個成員一齊影嘅團體大合照，睇嚟都好揼本喎！
聯盟召集人Ernest葉冠榮話，咁樣可以凸顯佢哋嘅團隊精神，但問到又要搵人影相，又特登設立競選電話專線，要花費幾多選舉開支，佢話呢啲都係助選團搞嘅，佢就唔清楚喇。不過，會計界選民有成二萬幾人，根據選舉活動指引，每個候選人選舉開支嘅最高限額為四十八萬咁多，應該唔會爆煲嘅。
「A16聯盟」特登印製選舉專用嘅卡片，認真揼本。