SUN世代：毫無架子懂得體諒員工
「我哋呢行係辛苦！」自己畫動畫出身，黃宏顯特別懂得體諒員工。走進其動畫製作工作室，有幅紅磚牆，格調很溫暖，旁邊有部汽水機，中間又有張長枱，後面放滿各式各樣的遊戲，原來都是為員工而設。「都係想佢哋得閒可以輕鬆吓，做嘢做得relax啲」。
時鐘剛好踏正五時，「有嘢食喇！」黃宏顯一發號施令，四十多名員工即時蜂擁而上，齊齊分享新鮮出爐的燒賣、牛丸。「佢哋有時忙到連食嘢都唔記得」！因此，黃宏顯特意買了一部電子蒸籠，讓一班員工在百忙之中抖抖氣。這個「老闆」毫無架子，還經常鼓勵員工，說穿了，原來是威嚴不起，「我做唔到o架！係性格問題。正如啲人成日問老闆喺邊？可能我真係好唔似老闆。哈哈！」
黃宏顯（左三）特意買了一部電子蒸籠，與員工一起分享燒賣、牛丸。