SUN世代：苦讀六年方有時間當媽媽
投身科研，Rossa幾乎廢寢忘餐，甚至貢獻與家人共聚的時光，結婚、當媽媽都一早「計過晒數」：「知道要兼任科研工作，會好忙，好需要心靈支持，嗰時同男朋友傾，一係依家結婚，唔係就要六年後。」
兩人選擇了前者，她欣慰與丈夫很有默契，對她百分百信任。為了工作，她甚少與家人相聚，而家人默默支持，給她莫大動力，她要以行動回報：「科研往往係做論文，有人覺得紙上談兵，所以我好想做啲實際、市民會明白嘅嘢，結果出咗嚟，等佢哋知道，我唔係去咗玩。」
熬過六年苦讀生涯，成功取得各項專業資格，她終覺得「有時間」當媽媽，更添了一對孖女，身兼多職，都不忘母愛的重要：「生得女，一定要湊佢，時間要百分百畀佢，所有家長日、活動，幾忙都要去齊。」
工作再忙，Rossa都堅持要抽時間陪伴女兒。（受訪者提供）