SUN熱辣：派位失意留意子女情緒

小一自行收生放榜，有人歡喜有人愁，有家長即使出盡法寶，仍無助子女入讀心儀學校。有心理學家指出，派位結果即使未如理想，家長亦不應把事情「災難化」，並要注意子女情緒會否受結果影響，在適當時給予安慰。

註冊臨床心理學家鄒凱詩認為，子女未能入讀心儀學校，家長難免感到失望，但切忌把結果想得過分負面，甚至把事情「災難化」，她說：「家長應該正面啲諗，其他學校都唔係真係咁差，而且搵一間啱小朋友能力嘅學校，對佢哋將來成長同學習會更加好。」

鄒凱詩又指出，子女未被錄取，亦有可能感到失望，父母必須留意子女的心理變化，於適當時候予以安慰，「小朋友之前未正式經歷過失敗，加上準備咗咁耐都唔成功，難免會有失望，家長應該注意子女嘅情緒變化，有需要時作安慰，如同佢哋講：『失敗唔緊要，只要盡力就得』，正面鼓勵肯定有助小朋友重拾自信。」