政壇：網民反擊惡搞橄欖全家福

早排立法會議員「橄欖」陳鑑林講過，會支持政府喺修訂《版權條例》時嘅建議，唔好豁免二次創作或者「惡搞」，點知佢隨即畀人惡搞，多張惡搞佢嘅相喺網上流傳，有一張仲係將佢同屋企人三代同堂嘅相全部換晒佢個樣，啲移花接木技術仲唔錯添，更加有人喺網上邀請佢加入「全球改圖苦主大聯盟」，仲叫佢要反思自身，反省吓自己點解畀人改咁話。

橄欖話冇睇過啲惡搞自己嘅相，又話網民嘅行為有針對性，「搵人啲相喺度搞有咩意義？」又話大家唔可以話自己鍾意惡搞，就侵犯其他人嘅權利咁話喎。

「Money18免費即秒股票報價網站」現推出8升級功能，財經資訊，實時實發！

陳鑑林張全家福畀人「惡搞」，佢覺得惡搞行為冇意義。