花名「三點不露」，即係無三點都唔露面嘅立法會金融界議員李國寶，尋日忽然去咗立法會開會。不過，佢可能太少去開會喇，新大樓啲電子儀器又比舊大樓嘅先進咗，搞到佢都唔識用，坐喺度攤開手唔知點算。
坐喺佢隔籬嘅「IQ博士」黃宜弘雖然都一把年紀，亦惟有起身幫佢開電腦，仲幫佢將枱底嘅鍵盤拉埋出嚟添，今次真係耆英教耆英，但可見IQ博士比佢與時並進。
不過，李國寶咁少去開會，去開會都係坐一陣，其實電腦都唔使開喇，又使乜學啫？
李國寶（左）唔識用電腦，坐佢隔籬嘅黃宜弘就起身幫佢開電腦。
