政壇：長毛熱天除衫喻泛民

區選之後，白鴿黨同公民黨都話要同人民力量、社民連劃清界線，彼此割席，社民連嘅長毛梁國雄尋日就話，鍾意割就割啦，佢冇咩所謂，不過佢嘅理論都幾奇怪，泛民團結就好似一件衫咁，當初係為保暖而買，但依家成三十幾度，無必要為着而着咁辛苦。

長毛尋日好晦氣咁話，如果走埋一齊，只會畀人覺得累街坊嘅，咁不如各有各做，無必要夾硬喺埋一齊，佢仲話呢件衫當初買咗返屋企，依家發覺用唔着，亦無必要勉強着噃。佢仲話既然「泛民」咁唔鍾意佢，一定要同佢割席，咁不如索性動議譴責佢，事關泛民加建制派一定過四十票，到時可以名正言順趕佢出議會，嗰陣時一定冇雞蛋掟喇。

「Money18免費即秒股票報價網站」現推出8升級功能，財經資訊，實時實發！

長毛用衫比喻泛民的團結關係。