政壇：滙控馮婉眉搵綠色機遇
滙控喺策略日講過，每項營運同埋業務都係經過利潤、效益、環球聯繫等五重考慮，但應該仲有一項重要業務策略，就係氣候業務嘞，講嘅係滙豐為咗推動低碳經濟，連續四年協辦氣候變化商界首腦峰會。
滙控咁重視氣候業務，出席代表都好夠分量，佢就係九月榮升香港區一姐嘅Anita馮婉眉。Anita喺會上提及，內地將會進身成為全球增長最快嘅綠色經濟體系之一，估計內地低碳行業喺二○一五年將會佔經濟增長百分之五，至二○二○年，會進一步增至佔百分之十五，屆時將有望成為全球第二大環保產業國。
佢仲話內地企業可以透過香港集資藉以推動發展，睇嚟背靠祖國嘅香港都應該有唔少綠色機遇喎。