呢排成日見到「20111111」呢堆數字，其實係代表今年十一月十一號，唔使睇通勝都知係大大吉日啦，就連金融界都好信呢個吉日，仲加多幾條「1」添。
話說證券界喺特首選舉嘅選委會一千二百議席中佔十八個，證券業組織香港證券業協會新任主席馮煒能話佢哋想出奇招，期望增加勝算。真係好好奇佢哋有乜花招，原來係擇日。正所謂「謀事在人，成事在天」，馮煒能話協會打算喺11月11號嘅11點11分遞表。個時間確係靚絕，擇個吉時吉日係咪可以如有神助，咁就真係事後至知。