著名小提琴家姚珏前晚出席《姚珏與青年藝術家音樂會》，長女亦有份喺音樂會上表演拉小提琴，而細女Clara亦有嚟撐媽咪同家姐。
姚珏近日好忙，因為早前客串電影《傾城之淚》，套戲將喺聖誕上映。喺戲中仲演繹自己，佢笑言拍戲好好玩，係另一種藝術嘅表現，所以若果有合適角色，唔介意再登上大銀幕。提到音樂會，佢話下年就踏入十周年，覺得好感動，又話：「有好多家長同學生一齊學，佢哋好支持。我仲睇住啲學生長大，好多都可以獨當一面啦，所以特別開心！」
姚珏（中）開音樂會，細女Clara（左）都有嚟捧場。
