SUN世代：活用會計知識 創時裝新天

事業路上，應該以興趣先行，還是追求穩定收入？面對理想與麵包的兩難抉擇，最初選擇了麵包的朱承坤（Joanna），很快醒覺「follow your heart, follow your passion」來得更加重要。她半途出家，全情投入時裝設計的夢想世界，自得其樂。鼓勵兩名創意橫溢的兒子勇於追尋理想，是她的切身體會，「自己真係鍾意、熱愛先去做，唔好諗住錢﹗」

朱承坤自幼對時裝充滿幻想，她說與開製衣廠的父親有關。「Daddy成日帶靚衫返屋企，每逢周末，佢同時裝設計師食飯，都會帶埋我哋幾姊妹一齊去。」惟她到加拿大升學，卻選擇了會計。「二十幾年前有幾多設計師可以衝出香港？如果自己做，我想做到最好，所以揀咗會計，當時諗住穩陣啲。」雖然她成功考獲會計師牌，並做了幾年會計工作，但她全無興趣，最終決定放棄麵包，追尋夢想。

努力加天分受賞識

她在父親的製衣廠跟隨德國名師邊做邊學，過程如魚得水，甚至「做到唔想停」。努力加上天分，用了短短五、六年時間，她的設計得到日本一間大型貿易公司——伊藤忠商事株式會社賞識，贏得打開日本市場的機會，一做就是十幾年。由她設計的時裝，主要在大型日本百貨公司出售。不過，她與合作夥伴對時裝的設計方向有異，加上日本市場逐漸萎縮，年多前，她選擇回流香港，以JO's ready-to-wear這個品牌，開拓高級時裝市場。

店舖開在銅鑼灣一幢充滿懷舊色彩的舊樓內，只招待熟客，以保障其私隱。十幾年前她認為香港市場「唔好玩」，近年已改觀，「香港市場依家比日本更加好玩，女性市場成熟，佢哋係職業女性，有自己思想，唔會盲目崇尚名牌，買衫講求適合自己、有創意、舒適、有時代感，有好多空間畀設計師發揮。」店舖現時一周開三天，Joanna說JO's只是起步點，正考慮擴充營業。

Joanna性格樂觀積極，對於選讀不是自己真正興趣的會計系，她也會從正面解讀：「最緊要係從過程中吸收經驗，已經有好多得着。好似我做咗幾年會計，依家設計啲衫出來，唔會貴到賣唔到，亦唔會做一件藝術品出來，而係可以着出街、大家都好容易理解嘅時裝。」