政壇：青年獎勵計劃料籌千萬
香港青年獎勵計劃尋日舉行五十周年慈善晚宴，喺會展筵開六十四圍，特別請到英國皇室成員愛德華王子擔任榮譽嘉賓。籌委會委員之一嘅鄭詩韻表示，餐枱分別籌款五萬、十萬同五十萬元，又指今次活動籌備咗八個月，反應熱烈，預料全晚會籌得逾千萬元，佢話：「好彩初初籌備時個經濟未咁差，搵到好多贊助。」繼而又話今次晚宴上有唔少遊戲，會考體能，讓賓客親身體驗今次計劃堅毅不屈嘅精神。
賭王何鴻燊二房女兒何超鳳都有出席，被問到賭王九十大壽係咪大事慶祝，佢話正安排中，為保持神秘感不願多談，至於有傳二房失寵，佢話：「呢個新聞娛樂豐富，信唔信則見仁見智。」
鄭詩韻話籌款晚宴上有唔少考體能嘅遊戲。