政壇：黃楚權樂做家庭煮夫
活躍於社交界嘅國泰航空企業事務董事Quince莊偉茵，工作繁忙之餘又要夾Band做善事，放喺屋企嘅時間自然唔夠使。好彩十幾年嚟有老公Adam黃楚權專心喺屋企湊仔煮飯，做個稱職嘅「家庭煮夫」。
早兩日喺個酒會見到Adam兩公婆笑容滿面，Adam仲派咗張寫住四句人生哲理嘅卡片。諗住同佢傾吓做人處事嘅心得啦，點知佢學足電影《唐伯虎點秋香》中唐伯虎寫嘅「我為秋香」賣身契，笑稱四句哲理要打橫讀，於是出咗「御用閒人」四個字嘞！日日喺廚房練功，Adam練就一身好手勢，做豬肉菜式最出色，而懷舊菜最啱Quince胃口，至愛梅菜扣肉。
莊偉茵（右）同黃楚權婦唱夫隨，不知幾合拍。