政壇：綠城宋衛平傳破產急闢謠
受到一堆調控政策打擊，加上國務院又講到明唔會放寬對內地房地產嘅限制，內房股嘅冬天都唔知幾時完，好似近期新聞多多嘅綠城中國咁，早兩日喺微博上面就傳出佢哋要申請破產嘅消息，搞到董事長宋衛平即時喺凌晨撰文澄清，仲非常時髦咁話呢個係一個「冷幽默」，再派定心丸畀大家，話綠城離破產仲有好遠嘅一段距離，叫大家唔使咁擔心喎!
佢認為依家嘅調控環境，係整個內房行業嘅問題，仲話量價齊跌、市場萎縮、庫存大量積壓嘅環境下，中小房地產商岌岌可危，佢相信再過一段時間，恐怕就真係有好多房地產商要面臨倒閉。
