政壇：郭少明夫婦笑開懷等抱孫
香港女童軍尋晚喺灣仔會展大搞九十五周年晚宴，場面墟冚，香港總監彭徐美雲做主人家，老公同囝囝齊齊捧場。名譽副會長兼籌委會主席郭羅桂珍同莎莎老闆郭少明兩公婆更加笑不攏嘴，原來佢哋就快抱孫，事關囡囡Melody郭詩慧懷孕四個月。
Melody心廣體胖又靚咗，佢甜絲絲承認有喜，但未知係仔定女，因為照過一次鏡睇唔清楚，遲啲會同大家交代喎，但就話無論係男抑或女都咁開心，仲話第時會畀仔女參加童軍添！佢又話有咗之後重咗十幾磅，皮膚乾咗，頭痛又易攰，惟有少啲去活動，閒時喺屋企聽吓音樂，睇吓育嬰書，而佢話絕對唔擔心第時生咗BB之後會唔識湊，因為媽咪同嫲嫲已經爭住湊。
郭詩慧懷孕四個月，但未知係仔定女。