政壇：鄧永鏘笑愛德華王子最愛春卷
最近英國皇室嘅安德魯王子及愛德華王子，前後腳到訪香江。尋晚愛德華王子現身中環中國會，參加老友David鄧永鏘爵士為佢而設嘅私人晚宴。問David愛德華王子最鍾意食中國會乜嘢菜式？佢不假思索話：「春卷！」仲話光頭嘅人係鍾意食春卷喎！點解？點知佢搞爛Gag笑稱：「冇法（髮）啦！」
David咁大膽取笑王子稀疏嘅頭髮已唔係第一次，印證佢哋交情深厚。王子今晚將出席喺會展舉行嘅香港青年獎勵計劃（AYP）五十周年慈善晚宴。身為AYP理事會主席嘅Rock陳仲尼尋晚都同王子前後腳現身晚宴。
為咗今晚嘅盛大晚宴，阿Rock同周大福集團第三代接班人鄭志剛已經忙咗成幾個月，希望今晚慈善派對可以盡善盡美。
鄧永鏘（中）喺中國會宴請老友愛德華王子（右二）。