SUN世代：成長欠缺父愛領悟親子重要
放棄安逸生活，踏上未可知的前路，這份決心，不是每個人都拿得出。令Francis毅然放棄高薪厚職的動力，原來與女兒也有關係。
「○五年長女出世，想有更多時間陪伴佢，我爸爸係的士司機，工作好搏殺，全年無休，每日同我哋幾兄弟相處都冇個幾鐘，父親陪唔到自己成長，對我嚟講係一個缺陷，唔想自己嘅女兒都係咁。」近年多添一名兒子的他，更會帶同太太和子女一起做義工。
看Francis西裝骨骨，想不到竟是長跑好手。「跑馬拉松已經十年，玩毅行者都有八年，出年仲會參加七日內橫跨戈壁沙漠！跑步可以提升同挑戰自己，keep（保持）住精神同毅力去面對每件事。」他笑說。
一對子女陪住Francis參與馬拉松比賽，盡顯溫情。