政壇：花旗八達通賀「獨子」牛一
尋日有個生日會，請咗花旗環球個人銀行服務副總經理Christine林鈺華、八達通行政總裁Sunny張耀堂致詞，究竟邊個生日咁有面？其實喺花旗同八達通合作出嘅信用卡三周年紀念。
Sunny話佢同張信用卡慶祝係最適合不過，皆因佢曾喺花旗工作過二十年，張信用卡使用嘅網絡係Visa，佢亦做過二十個月，依家就喺八達通身居要職，同張卡有千絲萬縷嘅關係，而張卡更係花旗同八達通嘅「獨生子」。
Christine就話準備咗一連串嘅簽帳回贈優惠，作為今次三周年嘅「生日禮物」；花旗更請咗兩個演員，以戲劇形式講解有乜優惠，順便做吓宣傳。
張耀堂（左）同林鈺華齊齊慶祝「生日會」。