政壇：海港城聖誕反斗奇兵做主角
九倉旗下嘅海港城，喺嚟緊嘅聖誕特別熱鬧，今年會搞一個「反斗聖誕總動員@海港城」，成個商場會充滿住胡迪、翠絲、玩具兵團同抱抱龍等城中好受歡迎嘅反斗奇兵玩具主角。海港城聖誕布置策劃人SK Lam 話，今次布置會令大家置身玩具派對中。
話時話，九倉每年都會搞德國啤酒節，今年已經踏入第二十年，一年比一年搞得有聲有色，舊年入場人次仲超過四萬添。不過九倉集團董事Frankie易志明近期最投入嘅，係安排中學生嚟九倉參觀，了解集團嘅業務範疇，同前線及幕後嘅運作。
Frankie話參觀活動係由九倉同中大教育研究所合辦，主要係安排較容易走歪路嘅初中學生嚟參觀，九倉旗下業務範疇包括酒店、電訊同商場等，學生仲可以去唔同嘅業務範疇同唔同崗位嘅員工交流，等佢哋可以了解所有業務前線同幕後係點運作。
SK Lam話，今次布置會令大家置身玩具派對之中。