呢排輪證（窩輪及牛熊證）成交好暢旺，上周佔港股嘅成交比例超過四成創歷史新高，但唔少輪證商朋友竟然笑唔出。何解？皆因市況麻麻，散戶唔敢揸貨，牛熊證新增過夜資金比例分分鐘都唔夠成交一個巴仙，唔知會唔會影響到中資證券行發輪證嘅計劃呢？
招商證券香港衍生產品部市場銷售主管朱紅就話，發輪計劃如火如荼，就算個市差都冇乜影響。記者仲索到料，之前有意進身為輪商嘅海通國際，雖然長遠係有咁嘅計劃，但一切只係研究階段，睇個勢短期唔會有輪出。
朱紅話雖然市況差，但無礙招商發輪證計劃。
