政壇：郭培孕育靈感設計Barbie衫

時代廣場喺下個月中搞「Barbie聖誕派對」展覽，展出由中國著名高級時裝設計師郭培設計嘅「童夢奇緣」系列，為Barbie同Ken呢對金童玉女訂製十二套華麗嘅Haute Couture高級時裝，氣派十足。

郭培有近二十年嘅設計經驗，歷年來喺世界各地獲獎無數，今次作品將色彩、紋理同剪裁巧妙地融合，成功喺世界時裝舞台引起哄動。原來佢設計「童夢奇緣」嘅時候都經歷緊奇緣，就係有咗BB嘞！佢形容當時小生命喺肚入面躍動，令佢感到無比嘅快樂，所以設計時裝嘅時候，靈感就一點一滴由內而外咁傾瀉出嚟添！

「Money18免費即秒股票報價網站」現推出8升級功能，財經資訊，實時實發！

郭培獲獎無數，當中「童夢奇緣」系列享譽國際。