政壇:長毛教甩牙蘇做局長

政府又跪低,喺競爭法草案作出多項讓步,立法會尋日討論有關草案修訂,而主責嘅商務及經濟發展局局長蘇錦樑就畀人擺上枱玩餐飽。

草案被狠批淪為冇牙老虎,白鴿黨議員劉慧卿尋日索性質問蘇錦樑,係咪因為唔夠票,建仔鍊住你條頸,先搞咁多嘢出嚟?眾所周知,蘇錦樑以前係建仔嘅副主席,建仔嘅議員陳鑑林就即刻反駁,話建仔從來冇鍊住局長條頸,係V煞先叉頸嘅啫,仲叫蘇錦樑講清楚以正視聽!蘇錦樑惟有笑騎騎死撐,澄清從來冇人鍊住佢條頸,啲措施依然有效打擊反競爭行為喎!

就喺呢個時候,社民連「長毛」梁國雄就同蘇錦樑講︰「我教你做官啦!」長毛話當局做咗咁多妥協,大家都係「你哋又唔情願,我哋又唔情願」,不如用民眾反壓嗰啲不知從何而來嘅反對聲音咁話。

「Money18免費即秒股票報價網站」現推出8升級功能,財經資訊,實時實發!

蘇錦樑尋日到立法會交代競爭法修訂,結果被議員擺上枱玩殘。