位於白加道十五號嘅政務司司長官邸（Victoria House，簡稱VH），上周五晚突然陰氣陣陣，鬼影幢幢……原來保良局借地方搞咗個慈善萬聖節派對。當晚每當有嘉賓進入大門，裏面就傳來鬼聲鬼氣，大嗌「Happy Halloween」，即係萬聖節快樂。
唐唐已經辭去政務司司長，喺本月底前就要搬出官邸，即係VH現時正喺交吉期。保良局主席龐盧淑燕話，保良局之前都借過呢度搞活動，但開萬聖節派對就係第一次，當晚派對都籌到三幾百萬o架。
保良局主席龐盧淑燕（左）盛裝赴會。
有蜘蛛網又有南瓜，政務司司長官邸變咗鬼屋？
