賭王何鴻燊被傳因感冒發燒入院，依家喺養和醫院留醫，尋日三太陳婉珍同女兒何超雲約五點到達醫院，佢哋笑容滿面，但冇回應何生幾時出院。約兩分鐘後，四太梁安琪就輕鬆咁離開，再問到何生幾時出院，佢只係回聲多謝，就同友人上車走人。不過，四太早前話過何生只係例行全身檢查。
今次賭王入院，何家表現輕鬆，前日三太同一女友人到中環名店行街，心情唔錯，仲話何生好快會出院添。尋日又見何超雲喺微博上寫話前晚同媽咪食蟹、飲酒，超過癮；四太女兒何超盈同樣喺微博表示，喺朋友生日會上扮印度人。
三太（圖右）、四太輪流去醫院探望賭王，但同樣冇回應賭王幾時出院。
四太
