政壇：袁彌明斥哥頓風流論唔OK
合和集團主席胡應湘（哥頓）日前以「人不風流枉少年」回應唐英年嘅婚外情傳聞，又將婚外情比喻為「課外活動」，又話最緊要係肯認錯、浪子回頭，以及得到太太嘅原諒喎。一向敢作敢言嘅選民力量成員、前港姐袁彌明（Erica）就對哥頓嘅說法好不滿，尋日出席一個活動時直斥呢種說法「唔OK」！
Erica話，其實好多男人都好專一，唔係個個男人都會出軌嘅，佢覺得做男人應該要有承擔，而婚姻本身就係一個要負責任嘅行為，所以佢覺得哥頓咁講法，係好唔尊重婚姻，亦都好唔尊重女性喎。Erica仲為女性伸冤話：「有得揀，都唔會揀個結咗婚嘅男人啦！」
