渣打香港中環旗艦分行尋日正式開幕，行政總裁洪丕正當然嚟撐場啦！呢間旗艦分行希望打造「七星級酒店」服務，將觸覺、視覺、聽覺、味覺、嗅覺五種官感，混合在理財業務之中。點先做到？咪就係透過成萬銀一張嘅設計座椅、名畫、主題音樂、Godiva朱古力同渣打香港獨有香薰囉，而最驚喜嘅就係發現銀行分行好罕見嘅客用洗手間，真係非常貼心。
間旗艦分行有四層高，係目前渣打香港最大、員工人數最多嘅分行，有齊一般個人銀行服務、優先理財服務，以至國際銀行服務，計埋三十九名客戶經理，有成七十人。
渣打旗艦分行開幕，又點少得行政總裁洪丕正吖！
