因出售客戶資料圖利黯然落台嘅八達通前行政總裁陳碧鏵，本月底辭去無綫電視份工後，傳佢下月會過檔恒隆地產。日前喺一個活動上，見到佢心情勁靚，笑容滿面，問佢係咪過檔恒隆地產幫陳啟宗打工，佢就話︰「傳聞嘅嘢唔作回應喇。」不過，佢承認今個月底就會離開無綫，派卡片時仲同人講︰「呢張卡片月尾就過期喇！」
咁離職後有乜打算？佢只係話遲啲要搞屋企搬屋嘅嘢，又要飛去澳洲探望喺嗰邊讀書嘅囝囝，到時順便叉叉電輕鬆吓，應該都會好忙喎。
月底離開無綫後，陳碧鏵話會去澳洲探囝囝兼叉電。
