政壇：張曼娟波鞋履新送果醬
光華新聞文化中心主任張曼娟上星期履新，呢位才女作家尋日先首次公開露面，大家以為佢會一襲行政套裝示人，點知張曼娟只係一身輕便裝束，腳踩閃令令嘅潮爆波鞋現身，據講係配合尋日嘅「台灣月」活動，因為個活動嘅主題曲中有一句係「穿上你的球鞋」，才女果然係唔同啲。
張曼娟一支筆享譽兩岸三地，至今已擁有《海水正藍》等四十幾本暢銷著作，由作家變身為官方機構揸弗人，預咗要回應敏感嘅政治問題，就算明年台灣大選改朝換代，令佢官位不保都冇所謂，事關佢不戀棧權位。來港做官，張曼娟訂做台灣人氣「野餐趣」手作果醬，作為抵港履新嘅見面禮，社交圈唔少人都收到佢嘅貼心禮物，氹得大家甜到入心。
張曼娟展示佢至愛嘅人氣果醬。