政壇：陳健波收o靚論誘保險新丁
各行各業都要吸新血，保險界好重視呢個問題，友邦早前投資咗一億元搞咗「AIA Premier Academy」培訓計劃，尋日舉行開幕典禮，立法會議員陳健波係其中一個嘉賓，佢大讚計劃好，興奮之下，仲以「收o靚」比喻保險業一層層嘅運作模式。
佢話，一睇培訓計劃嘅教師名單就知好猛料，搞到佢都想讀埋一份。面對咁多新丁，做前輩嘅梗要向新人介紹吓呢個行業嘅前景，陳健波話，賣保險可以係好「長壽」嘅行業，唔少從業員即使五、六十歲時，仍唔驚要提早退休，反而隨時年薪過千萬，有二、三百個下屬都唔出奇。
久未露面嘅友邦香港及澳門榮譽主席林文德親自出席活動，其他重量級嘉賓，仲有保聯主席朱永耀（Alex）等。
陳健波以美麗願景吸引新丁投身保險業。