SUN世代：學父辛勤工作 效母善心助人

Kent自小深受父母影響，並遺傳了兩人的優良因子，既有父親辛勤工作的品德，亦有母親那顆慈善心。父親為生意人，Kent自小見慣父親通宵達旦工作，「爹哋好勤力、好有魄力，即使公司已上軌道，佢仲係成日做到三、四點。所以當我做嘢做到好嘅時候，諗起爹哋，就唔敢怠慢。」

談完父親，再談母親，Kent依然有讚無彈。「媽咪係一個好有善心嘅人，成日做義工，去探訪兒童之家，又會派餅畀老人家。」慈母不一定有敗兒。受母親薰陶，Kent自小就明白幫助別人的重要性。「細細個，媽咪就同我講，大個咗要識得幫人，做個對社會有貢獻嘅人。」

長大後的Kent，沒辜負母親的期望，努力發展自己的事業之餘，亦不忘抽空做義工，最近一次就到舊區派麵包，「麵包舖嘅麵包成日都賣唔晒，所以就同朋友一齊去派麵包畀住籠屋嘅人，見到佢哋嘅笑容，自己都覺得好開心。」