政壇：老爺奶奶贈鑽戒施榮忻妻唔捨得戴
百仁基金主席Jaime施榮忻嘅愛駒「愛拚者勝」尋日出戰沙田馬場，臨尾發力狂奔終點奪冠，帶挈主人袋逾三十八萬元獎金。佢話賽前只預計愛駒有機入三甲，趣趣地落注幾百元，估唔到真係中頭獎。老公贏錢，老婆Jaymee鄧慧琦拍爛手掌，右手不經意露出閃亮婚戒。原來係老爺、奶奶搵專人挑選美鑽，再鑲成戒指送畀新抱，心思十足，難怪Jaymee話唔捨得戴。
拉頭馬嘅，仲有太子珠寶鐘錶執董朱繼陶，佢匹團體馬「天賜福星」勝出第七場，獎金逾五十萬元。佢笑言匹馬賠率太熱，自己落注唔多，買中亦僅袋幾百元。不過彩金事小，最緊要happy喎。
施太（中）對新抱Jaymee（左）好滿意，以巨鑽相贈。右為施榮忻。
Jaymee嘅巨鑽，好大好搶眼。