啱啱遇上車禍、撞散架百萬元座駕嘅趙世曾女兒趙式芝，休息一日後如常活動，不過佢嘅座駕Roadster電動跑車就證實冇得醫，需要完全報銷。趙式芝尋日唔願多講事件，但好友楊如芯就話，趙式芝並冇任何陰影，仲打算買番呢個型號嘅車嚟揸。
出事後駕車到現場接走趙式芝嘅楊如芯話，趙式芝已即時主動向父母報平安，但「架車已經total loss！」楊又話，好彩趙式芝冇事，事後亦話唔需要去搵醫生檢查，昨日仲去咗打波同揸直升機添！
撞車並冇令趙式芝有任何陰影，翌日已出動揸直升機。
