政壇：汪阿姐家英哥甜遊杭州
八和主席汪明荃近日去咗杭州，仲同羅家英現身當地一個電視節目，講兩個人細水長流式嘅愛情。佢哋今次嘅杭州行，主要係見證一對分離五十五年嘅中法戀人相逢嘅經過，內地傳媒仲話，汪阿姐得悉這對中法戀人的苦戀過程後，直言會以佢哋為偶像，並親自參與是次節目策劃。
家英哥嘅微博都上載咗多張佢同汪阿姐同遊杭州嘅相，兩個人連影相時都十指緊扣，大晒恩愛。家英哥喺微博上話，今次係首次同太太去杭州，先後到秋瑾碑同武松墓前留影：「西湖除了湖光山色，還有歷史和文化，更有傳奇和故事，深入人心，太吸引人。」
